Igniter

剛剛看完有線新聞台報導聶海勝和費俊龍訪港。短短幾分鐘的新聞片，使人憂心的事真的許多，排行較前的如下:

一.

記者: 「你同邊個握手呀?」

小學生: 「聶海勝!」

記者: 「邊隻手呀? 」

小學生: 「呢隻! 」(擧起右手)

記者: 「覺得點呀? 」

小學生: 「好開心! 」

記者: 「點解開心呀? 」

小學生: 「因為握到手!」

記者: 「跟住你會點呀? 」

小學生: 「我會唔洗呢隻手!」

「點解你握到手咁開心呀? 」「因為握到手囉。」

二.

記者: 「點解咁開心呀? 」

中學生: 「因為簽到名!」

記者: 「好難簽哦呵? 」

中學生: 「好難呀，佢地個個都唔俾我簽，但我俾佢簽都簽到!」

中學生:「佢地個個都唔俾我簽，佢地個個都唔了解我，佢地個個都唔俾我做呢様唔俾我做果様，佢地個個都係咁…」

係囉，佢地個個都係儍架囉，簽名咁大件事都唔俾，你以為我簽唔到咩? 最緊要簽到名，我理得你地點解唔俾人簽名，理得你點解要維持秩序，理得你點解驚踩死人…理得你!

三:

小學生發問: 「如果，像我一樣，是一個九歲的女孩子，想成為一個女太空人，我應該怎樣準備自己呢? 」(腔調未能傳神地以文字表達)

老師報告:「呢句野已經經過校箽會多次會議後審批，及同學多個月來的朗誦練習，務求國語發音準確及朗讀時一字不漏。句中所表達的主題有: 一. 年少志大，及二. 巾幗不讓鬚眉。主題跟聶海勝和費俊龍作為航天員的凌霄壯志相呼應，是MODEL QUESTION 的上上之選也。」

阿門!